Shaqir Ahmeti, 31 vjec nga Kosova ka impresionuar Bosnjën në spektaklin e talenteve të këtij shteti – dhe atë duke kënduar shqip. Ahmeti është pjesë e show-t të televizionit Hayat “Ylli mund të jesh ti” “Zvijezda Mozes Biti Ti”. Në emisionin e fundit të premten, Ahmeti interpretoi këngën Tradhtare të Danit. Kjo këngë tregon se kur dikush këndon në gjuhën e vet, edhe zëri tingëllon më bukur”, ka thënë anëtarja e jurisë Gordana Topiq. “Kjo që dëgjuam ishte thbëhesht fenomenale”, ka shtuar ajo. Fjalët që ka kuptuar nga shqipja kanë qenë “dashuria” dhe “pranvera”. E anëtari tjetër i jurisë, Ognjen Bomoshtar, i ka thënë Ahmetit, se derisa ai po këndonte po merrnin përkthim simuluan nga Topiq, transmeton Koha.

Shaqiri ka qenë konkurrenti i pari në mbrëmje që ka marrë pikët maksimale të jurisë profesionale, të edicionit të sivjetmë të ZMBT-së boshnjake. Përveç Bomoshtarit dhe Topiqit, në juri është edhe Ana Babiq. Finalja e edicionit të 4-të “Zvijezda Mozes Biti Ti” në Bosnjë- Hercegovinë do të mbahet më 17 shkurt dhe transmtohet në Hayat (numër 151 në IPKO). Mund të votohet edhe nga Kosova.

Shaqir Ahmeti ka lindur në Prishtinë në vitin 1981, është rritur në Prizren, ndërsa në Sarajevë jeton bashkë me motrën e tij. Në profilin të cilin i ka bërë televizioni boshnjak “Hayat”, Ahmeti ka thënë se Prizreni dhe Sarajeva kanë shumë ngjashmëri mes vete.

Video: