Receta gatimi

nga **Aristogata** prej Thu 9 Jul 2009 - 20:09

First topic message reminder :

Embelsire me mjalt

Duhen:

Miell 2 gota uji ose 500g
Sheqer 1 gote uji
Mjalte 2-3 luge gjelle
Veze 2 kokrra
Sode nje luge kafeje
Arra 1-2 filxhane kafeje
Gjalpe 2 filxhan kafeje (i shkrire)
Vanilje, kakao nje luge gjelle plot
Dhe dy filxhane uje.

Per shurupin duhen.

Sheqer 3 gota uji
Uje 2.5 gota uji

Ne nje ene perzihen mire vezet, mjalti, gjalpi, uje dhe ne fund shtohen arrat. Pastaj hidhet miell i perzier me sode dhe pak kakao. Zihet brumi i cili nuk duhet te punohet shume, qe te mos behet elastik. Brumi i pergatitur vendoset ne nje tave te lyer me yndyre, rrafshohet me dore, lyhet siperfaqja me te verdhe veze, behen disa vijaska me pirun dhe piqet per 30-35 minuta. Pas pjekjes ftohet, pritet ne copa ne forme rombi dhe i hidhet shurup i vakur, jo shume i nxehte, i aromatizuar me vanilje. Per te permiresuar cilesine e embelsires ne vend te ujit te percaktuar ne normative, hidhet gjalpe, veze dhe mjalte tjeter. (Ujin mos e perdor fare).

nga **Aristogata** prej Tue 28 Jul 2009 - 12:15

Një recetë ëmbëlsire (melomakarona) nga kuzhina tradicionale greke që bëhet zakonisht për Krishtlindje dhe Vitin e Ri!

Nevojiten:

2 filxhan çaji vaj

1 filxhan çaji sheqer

3/4 filxhan çaji lëng portokalleje

1/4 filxhan çaji konjak

2 lugë të vogla lëkurë portokalleje e grirë

2 lugë të vogla baking powder

1 lugë të vogël kanellë (pluhur)

1 lugë të vogël karafila (pluhur)

1 lugë të vogël sodë

1 kg miell

(1 e 1/2 filxhan çaji arra të shtypura)

Për sherbetin nevojiten:

2 filxhan çaji mjaltë

2 filxhan çaji sheqer

2 filxhan çaji ujë

(E lëmë 5-8 minuta që nga çasti që fillon të ziejë dhe i heqim shkumën nëse nevojitet)

Përgatitja:

I hedhim të gjitha, përvec miellit, në një enë. Nuk ka rëndësi radha, çështja është ti trazoni mirë. Në fund hedhim avash avash miellin (pasi e kemi situr më parë 2 herë) dhe brumosim deri sa të behet brumi pak i butë dhe të mos jetë i ashpër. Pra, kini kujdes miellin. U japim me dorë biskotave formën që duam, por jo shumë të mëdha sepse do të fryhen gjatë pjekjes.

I pjekim në 170° C për 20 minuta. Mos i lini të piqen më shumë sepse nuk do të mund ti sherbetosni.

Ua hidhni sherbetin të nxehtë. I vendosni biskotat në një pjatancë ose ku të dëshironi ju dhe u hidhni përsipër 1 e 1/2 filxhan çaji arra të shtypura.

Nëse doni ti bëni biskotat me çokollatë, shkrini çokollatën me pak gjalp (sepse i ndihmon të shkëlqejnë).

Kujdes!!! Kur të shkrijë çokollata, fikeni sobën dhe mos e hiqni enën nga soba, dhe ashtu siç e keni vini biskotat duke i kthyer nga të gjitha anët që të lyen mirë. Nëse nuk e bëni kështu, nuk do të përhapet çokollata mirë sepse çokollata ftohet shpejt. (Kuptohet që duhet t'u keni hedhur më parë sherbetin dhe në fund nëse doni mund t'u hidhni sipër arra të shtypura).

nga **Aristogata** prej Tue 28 Jul 2009 - 12:17

Kjo eshte nje torte qe ne brendesi te saj ka cokollate te lengeshme

perberesit:

200 gram cokollate puro
150 gram sheqer plulur
200 gram gjalpe
2 luge supe miell.
3 veze

shkrijme ne banjomaria* cokollaten dhe gjalpin duke i trazuar here pas here.

rrihen te bardhat e vezeve vec, derisa te krijohet nje mase kompakte

rrajme me vete te verdhat e vezeve me sheqerin dhe me vone shtojme mjellin duke e hedhur me ndihmen e nje site te vogel ne forme pluluri, pasi e kemi rrahur shume mire dhe eshte krijuar nje mase e vetme shtojme cokollaten e shkrire dhe gjalpin e shkrire. vazhdojme i rrajme dhe per 2 -3 minuta te gjitha se bashku dhe shtojme te bardhen e vezes. I rrahim perseri derisa behet nje mase kompakte dhe e derdhim ne formen qe kemi pergatitur (lyer me gjalpe tepsin). E veme te piqet ne furre te ngrohte per 13 minuta ne temperature 175°.
pasi e heqim presim pak te ftohet e kthejme ne nje pjatance dhe e sperkatim me pak plulur sheqeri persiper.

* banjomaria quhet shkrirja apo gatimi i dickaje ne dy ene. nje ene te madhe pasi e mbushim pergjysem me uje e veme te zjeje dhe ne mes te saj vendosim nje ene tjeter me te vogel me ushqimin qe do gatuajme, ne rastin tone me cokollaten dhe gjalpin qe do te shkrijme.

nga **Aristogata** prej Tue 28 Jul 2009 - 12:19

Per 4 persona:
1 lt qumesht
sheqeri me sy (zgjidheni vete se sa doni une per vete i fus pak, se me vel shume sheqer)
nje grusht i mire orizi
uje me sy
Se pari zijeni orizin ne uje ,prisni deri sa orizi ta pije ujin dhe me tej hidhni ne tenxhere qumeshtin siper.Me pas shtoni dhe sheqerin.Perzijeni pak ne fillim pastaj lejeni te zihet vete ne zjarr te ulet.
Sipas disa recetave shtohet dhe miell apo niseshte por une nuk do tua keshilloja.Nese e beni sultjashin ne menyren e mesiperme do te perfitoni nje sultjash te lehte dhe teper te shijshem.Lereni ne zjarr te ulet derisa te trashet.Me tej lijeni te ftohet pak dhe shperndajeni neper tasa.Siper mund ti hidhni kanelle,arra,karafil dhe çfare te doni ju per ti shtuar eren dhe shijen.

nga **Aristogata** prej Tue 28 Jul 2009 - 12:21

Si te pregatisim nje embelsire tiramisu:

http://www.youtube.com/watch?v=5jtu8uIY848

Perberesit:
500 G Maskarpone
150 G Biskota Tip Pavesini
4 Veze
4 Luge gjelle sheqer
Kafe
Kakao plur

nga **Aristogata** prej Tue 28 Jul 2009 - 12:26

Takot e Ketit (Ushqim meksikan)

Pergatitja:

3 filxhan miell,
½ luge caji kripe,
½ luge margarine,
½ filxhani uje.

- Me keto bejme brumin dhe hapim prej tij 5 pete te vogla .

– Salca pergatitet me:
qepe te thata,
kripe,
rigon,
spec djeges,
spec te kuq pluhur,
pluhur hudhre,
niseshte.

Te gjitha keto hidhen njehere ne nje tas dhe perzihen.
Me perpara ne nje tigan kemi hedhur pak mish te grire dhe mbasi te jete kaverdisur pak i shtojme perbersit e mesiperm duke i shtuar 2 filxhane me uje.
I leme keshtu te ziejne derisa te te shteroje uji.
Ne pjata te ndryshme presim domate, sallate jeshile, djathe pice te ngrire.
Petet e pergatitura i pjekim lehte ne nje tigan me pak vaj.
Mbasi te jene pjekur vendosim siper salcen e pergatitur dhe perbersit neper pjata dhe mbyllini duke i rrotulluar.

nga **Aristogata** prej Tue 28 Jul 2009 - 12:32

Pasi te kemi pastruar dhe lare peshkun e kalojme pak ne miell, hedhim disa grimca gjalpe ne nje tigan dhe pasi te jene shkrire shtojme filetet e peshkut.

Pak kripe dhe i leme ne zjarr mesatar per 2 minuta duke i shtuar disa pjese domate apo salce me copa domate.

Grijme siper disa kokrra ulliri te zi dhe sipas deshires ne fund mund ti hedhim pak vere te bardhe.

Pasi ta heqim nga zjarri e sherbejme me pak majdanos te prere ne copeza dhe me disa thela limoni.

Ju befte mire!

Ja dhe nje foto te peshkut Platesa:

nga **Aristogata** prej Fri 7 Aug 2009 - 19:27

TIRAMISU
Asortimente per 4 persona:

- Mascarpone(ajk qumshi) 500 g

- Biskota savoiardi 500 g,

- Sheqer 150 g, veze 5, 8 filxhana kafe, liquore (cognac o brandy) 2-3 luge, cacao.

Pergaditja:

Duhen rrahur e bardha e vezes deri sa te behet si panna, i shto ajken e qumshit, te kuqet e vezeve, sheqer dhe liquor.
Pergadit kafen ekspres dhe e le te ftohet ne nje pjate.
Mer biskotat dhe i lage me kafen (jo shum) dhe i rendit ne tepsi. Cdo shtres biskota e mbulon me kremin e pergaditur. Me nje fjal mund ta besh shum kaçe.
Ne fund e mbulon siperfaqen e fundit (e cila esht me krem) me cacao.
Pastaj fute ne frigorifer per 2 ore te mira.

nga **Aristogata** prej Fri 7 Aug 2009 - 19:30

Akullore me cokollate

Perberesit :100 g çokollatë, 120 g sheqer, 6 të verdha veze, 3/4 L qumësht.
Pergatitja : Përgatitja për 6 persona. Zieni qumështin. Në një tigan tretni në banjo-mari çokollatën e
grimcuar me disa lugë qumësht të nxehtë dhe pastaj hidheni kremin e përftuar në qumështin e mbetur. Në një tenxhere punoni të verdhat e vezëve me sheqerin derisa të përftohet një masë e bardhë dhe e fryrë. Hollojeni me qumështin me çokollatë të hedhur ngadalë. Vendoseni në zjarr në flakë të ulët dhe duke e përzier, lëreni që kremi të trashet por pa arritur të ziejë. Filtrojeni kremin nëpërmjet një kullese, hidheni në një enë dhe lëreni të ftohet duke e përzier herë pas here. Vendoseni në makinën e akullores dhe hiqeni pas 20 minutash. Akullorja është gati.

nga Vizitor prej Fri 7 Aug 2009 - 20:02

receta me emrin FORUMI

Perberesit :100 g klea , 120 g viola, 6 të verdha veres, 3/4 L aristograta.
Pergatitja : Përgatitja për 6 foromista. Zieni aristograten. Në një tigan tretni në banjo-mari klea e
grimcuar me disa lugë aristograta të nxehtë dhe pastaj hidheni kremin e përftuar në aristograten e mbetur. Në një tenxhere punoni të verdhat e veres me violen derisa të përftohet një masë e bardhë dhe e fryrë. Hollojeni me aristograten me klean të hedhur ngadalë. Vendoseni në zjarr në flakë të ulët dhe duke e përzier, lëreni që kremi të trashet por pa arritur të ziejë. Filtrojeni kremin nëpërmjet një kullese, hidheni në një enë dhe lëreni të ftohet duke e përzier herë pas here. Vendoseni në makinën e akullores dhe hiqeni pas 20 minutash. forumi eshte gati

nga **Klea** prej Fri 7 Aug 2009 - 20:09

:gezim: :gezim:

nga **Aristogata** prej Fri 7 Aug 2009 - 20:20

elhamiu shkruajti:receta me emrin FORUMI

Perberesit :100 g klea , 120 g viola, 6 të verdha veres, 3/4 L aristograta.
Pergatitja : Përgatitja për 6 foromista. Zieni aristograten. Në një tigan tretni në banjo-mari klea e
grimcuar me disa lugë aristograta të nxehtë dhe pastaj hidheni kremin e përftuar në aristograten e mbetur. Në një tenxhere punoni të verdhat e veres me violen derisa të përftohet një masë e bardhë dhe e fryrë. Hollojeni me aristograten me klean të hedhur ngadalë. Vendoseni në zjarr në flakë të ulët dhe duke e përzier, lëreni që kremi të trashet por pa arritur të ziejë. Filtrojeni kremin nëpërmjet një kullese, hidheni në një enë dhe lëreni të ftohet duke e përzier herë pas here. Vendoseni në makinën e akullores dhe hiqeni pas 20 minutash. forumi eshte gati

hahahahahahahahahahahahahahahaahahahahahahahahahaha do te vrassssssssssssssss

:hihi: :hihi: :hihi: :hihi: :hihi:

nga Vizitor prej Fri 7 Aug 2009 - 20:25

ARISTOGATA shkruajti:
elhamiu shkruajti:receta me emrin FORUMI

Perberesit :100 g klea , 120 g viola, 6 të verdha veres, 3/4 L aristograta.
Pergatitja : Përgatitja për 6 foromista. Zieni aristograten. Në një tigan tretni në banjo-mari klea e
grimcuar me disa lugë aristograta të nxehtë dhe pastaj hidheni kremin e përftuar në aristograten e mbetur. Në një tenxhere punoni të verdhat e veres me violen derisa të përftohet një masë e bardhë dhe e fryrë. Hollojeni me aristograten me klean të hedhur ngadalë. Vendoseni në zjarr në flakë të ulët dhe duke e përzier, lëreni që kremi të trashet por pa arritur të ziejë. Filtrojeni kremin nëpërmjet një kullese, hidheni në një enë dhe lëreni të ftohet duke e përzier herë pas here. Vendoseni në makinën e akullores dhe hiqeni pas 20 minutash. forumi eshte gati

hahahahahahahahahahahahahahahaahahahahahahahahahaha do te vrassssssssssssssss

:hihi: :hihi: :hihi: :hihi: :hihi:

viola dua ndihmen tendeeeeeeeeeeeeeeeeeeeeeeeeeeeee

nga Vizitor prej Fri 7 Aug 2009 - 21:45

:hihi: :hihi: :hihi: :hihi: kok qyp me lot kam qesh

http://www.youtube.com/watch?v=tI9hk1lV5OQ&feature=related

nga Vizitor prej Sat 8 Aug 2009 - 10:09

elhamiu shkruajti:receta me emrin FORUMI

Perberesit :100 g klea , 120 g viola, 6 të verdha veres, 3/4 L aristograta.
Pergatitja : Përgatitja për 6 foromista. Zieni aristograten. Në një tigan tretni në banjo-mari klea e
grimcuar me disa lugë aristograta të nxehtë dhe pastaj hidheni kremin e përftuar në aristograten e mbetur. Në një tenxhere punoni të verdhat e veres me violen derisa të përftohet një masë e bardhë dhe e fryrë. Hollojeni me aristograten me klean të hedhur ngadalë. Vendoseni në zjarr në flakë të ulët dhe duke e përzier, lëreni që kremi të trashet por pa arritur të ziejë. Filtrojeni kremin nëpërmjet një kullese, hidheni në një enë dhe lëreni të ftohet duke e përzier herë pas here. Vendoseni në makinën e akullores dhe hiqeni pas 20 minutash. forumi eshte gati

nccncncn haahahahahahahahahaha :gezim: dreqooooooooooooooooo :kis:

nga **Aristogata** prej Thu 27 Aug 2009 - 11:46

BAJADERA

Përbërësit:
* 300 gr keksa të bluar
* 200 gr bajame, lajthi ose arra të bluara
* 200-300 gr sheqer
* 250 gr margarinë
* 200 gr çokollatë
* 1,5 dcl ujë
* Glazura: 100 gr çokollatë, 2 lugë vaj
Përgatitja:
Uji dhe sheqeri vlojnë 5 minuta. Në sherbet të nxehtë, duke i përzier, hidhen gradualisht bajamet, margarina e prerë në katrorka dhe keksat. Masa përzihet gjersa të kompaktësohet. Veçohet 1/3 e masës së përgatitur, pjesës tjetër i shtohet çokollata e ndarë në copa të vogla dhe përzihet mirë gjersa të shkrihet. Në tepsi katrore të shtruar me folje të tejdukshme,shtrihet masa me çokollatë. Mbi të vendoset dhe rrafshohet masa e bardhë.
Shkrihet çokollata në enë mbi avull me 2 lugë vaj. Përzihet mirë dhe me glazurë pak të ftohur, lyhet e tërë sipërfaqja e bajaderës. Ëmbëlsira futet në frigorifer për t’u ftohur mirë, pastaj pritet në pjesë katërkëndëshi.

nga **Aristogata** prej Thu 27 Aug 2009 - 11:52

[b]

Mish pule me vezë e limon

Për 6 veta

* 1,5 kg mish pule
* 3 qepë mesatare të prera trashë
* 12 kërpudha të prera në feta
* 1,2 kg kunguj të freskët të prera në copa
* lëngë të gjysmë limoni
* 1 l lëng mishi
* kripë dhe piper

* Për vezët dhe limonin: 2 vezë, lëng të gjysmë limoni, 1,5 lugë të korn-flaur.
* Vendosni tenxheren me pulën në zjarr mesatar. Shtoni qepët dhe kërpudhat, shtoni dhe kungujt e freskët. Hidhni kripën dhe piperin.
* Hidhni lëngun e limonit, 2 filxhanë ujë dhe kubikun e lëngut të mishit dhe e zini gjellën në zjarr për 30-40 minuta.
* Rrihni vezët. Shkrini në lëngun e limonit korn-flaur dhe këtë përzierje e hidhni tek vezët me limon duke mos pushuari së rrahuri.
* Hidhni tek vezët me limon disa lugë nga lëngu i ngrohtë i pulës dhe kur përzierja të ngrohet mjaft, e hidhni brenda në tenxhere me pulën. E lini pulën në zjarr për disa minuta dhe e servoni.

[/b]

nga **Aristogata** prej Thu 27 Aug 2009 - 11:54

Ëmbëlsirë me çokollatë

Përbërësit:

* 1 tas me çokollata të copëtuara ( rreth 9 copëza çokollate)
* 1 lugë gjelle gjalpë, e shkrirë
* 2 copa krem djathi i butë
* 1 cope krem djathi me 1/3 më pak i butë
* 1 gotë sheqer
* 3 lugë gjelle miell
* 1 lugë gjelle përbërje vanilje
* 3 të bardha vezësh
* 1 vezë
* 30g çokollatë

Përgatitja:

1 - Ngroheni paraprakisht furrën në 325 gradë.
2 - Vendosni copëzat e çokollatës në një tigan duke i ngrohur dhe duke i shkrirë me gjalpë. Përziejeni atë derisa të shkrihet. I fusni në 325 gradë për 8 minuta.
Hidhni në një tas të madh kremin e djathit, përziejeni mirë, shtoni miellin, të bardhat e vezëve, vezën, përziejeni masën derisa të bëhet një përzierje e njëtrajt¬shme. Hidhni përzierjen e sapo bërë në tiganin me çokollatë.
Vendosni çokollatën në një mikrovalë të vogël, në ‘High’1, 1/2 minuta, dhe e përziejmë për 45 sekonda (çokollata nuk duhet të shkrihet plotësisht). Përziejeni derisa të zbutet. Hidhni çokollatë të shkrirë në përzierjen e miellit për të formuar 9 pjesëza. Hidheni çokollatën sipër përzierjes së miellit dhe i piqni për 35 minuta në 325 gradë.
Ftoheni duke e vendosur në një letër alumini dhe e lini për 2 orë, pastaj servireni.

nga **Aristogata** prej Thu 27 Aug 2009 - 11:56

Peta të ëmbla

Materialet për 30-35 copë:
Për mbushjen

• 2 vezë
• 2 të kuqe vezësh
• ¼ lugë ëmbëlsire
• sodë buke
• kripë, një majë luge lëkurë nga gjysmë portokalli
• 1 ¾ lugë gjelle miell
• Vaj ulliri

Për shurupin
• 2 lugë gjelle mjaltë
• ½ filxhan sheqer
• 1 filxhan ujë (ose 2 filxhanë mjaltë dhe 1 ujë)

Për zbukurimin

• kanellë
• arra të grira
Përgatitja:

Rrihni në mikser vezën dhe të kuqët e vezëve së bashku me sodën dhe kripen, për rreth 20 minuta. Shtoni lëngun e portokallit dhe vazhdoni rrahjen, duke shtuar pak nga pak miellin, derisa të bëhet brumë. E ndani në dy topa; e mbështillni me një celofan dhe e vendosni në frigorifer për 2-3 orë.

Në tryezën ku do të punoni hidhni pak miell. Gjithashtu lyeni edhe duart me miell. Hapni brumin në petë shumë të holla (nëse brumi ngjit shtoni miell, me qëllim që të bëhen ëmbëlsirat më të shkrifta). I prisni petët në rripa me trashësi 6 cm dhe gjatësi 15 cm. secilën. I shtrini të gjithë rripat prej brumi njëri mbi tjetrin në tryezë dhe i mbuloni me pecetë që të mos thahen.

Në një tigan të thellë ose tenxhere hidhni vaj me bollëk dhe e digjni atë. Merrni me pirun një rrip brumi. E mbështillni rreth pirunit dhe menjëherë më pas e zhysni në vaj. Këtu e lini derisa të skuqet dhe të fryhet. E përsëritni këtë ritual me të gjitha rripat. I vendosni në një letër thithëse kuzhine që të kullojnë.
Në vazhdim përgatitni shurupin duke zier ujin me sheqerin, derisa të shkrihet dhe më pas shtoni mjaltin. I përzieni materialet derisa të mpiksen. I spërkatni ëmbëlsirat me shurupin dhe i zbukuroni me kanellë dhe arra të grira.

nga **Aristogata** prej Thu 3 Sep 2009 - 17:07

Per kadaifin Duhen:

Gjys kile kadaif
Arra të qëruara (më mirë ti qëroni vetë)
200 Gram Gjalp

Shërbeti:

4 gota sheqer ( kam përdor sheqer të bardh dhe kaf)
3 gota ujë.

Kadaifi shkriftohet mirë e mirë. Vendose në një tavë të lyer me pak gjalp.
Vendoset një shtresë kadaif.
Një shtresë arra.
Një shtresë kadaif.

Gjalpin e shkrijmë dhe ia hedhin përsipër.

E fusin në furrë 250, për 20 min.

Pasi e heqim nga furra e lejmë të ftohet.

Përgatisim shërbetin.
Unë e bëra të hollë, nuk e lashë shumë të trashej.
Shërbetin ia hedhim kadaifit të ftohtë.

nga **Aristogata** prej Thu 3 Sep 2009 - 17:09

Per fergese ju duhen:

qepe te fresketa
domate ose salce domateje
speca
veze
djath i bardhe
vaj ulliri
kripe
piper i zi

Te gjithe ingredientet pastrohen mire dhe priten imet.

Ne vajin e nxehte skuqen qepet dhe pastaj shtohen specat.

Kaurdisen mire deri sa specat te marrin nje kore te arte.

Shtohen domatet apo salca e domateve. Kaurdiset mire me specat. Pas disa minutash shtohet djathi i prere ne copa te vogla. Kur ingredientet te jene lidhur mire me njeri-tjetrin shtohen vezet e rrahura dhe perzihen mire .

nga Roksana prej Thu 3 Sep 2009 - 17:13

weee rrushe na hape oreksin mi :hehe:

nga **Klea** prej Fri 11 Sep 2009 - 18:45

Kuzhina shqiptare eshte e thjeshte por e profumuar per shkak te specieve qe perdor. Disa riceta jane te ngjashme me ato te italise se jugut, kurse disa te tjera ngjajne me ato Turke e Greke. Per ate qe ka udhetuar me pare ne ballkan kuzhina shqiptare nuk do jete nje surprize. ne pergjithesi kuzhina shqiptare eshte e profumuar dhe ushqimet jane te pjekura mire, perdoret edhe gatimi me avull.
Perdoren shume prodhimet shtepiake, kosi, qumeshti, dhe derivatet e tij.

Pjatat e dyta te mishit jane me baze qengji dhe vici. Si pije gjate ngrenies perdoret shpesh rakia, e bere ne shtepi. embesira tipike jane bakllava nje mbushje me arra, e zbutur me sherbet dhe githe kjo e mbeshtjelle me peta te pjekura ne furre dhe llokumet, kubata me xhelatin frutash te mbulu me sheqer pluhur, te profumuar me vanilje.
Nje nga ricetat shqiptare
japrak:

per 4 persona:
- 16 gjethe te medha rrushi
- 200 g oriz
- majdanoz
- 2 qepe te njoma
- vaj ulliri
- mish qengji
Pergatitja:
Lahen mire gjethet e rrushit dhe i hiqet kercelli. Pritet fine qepet dhe majdanozi. Skuqen qepet ne nje tigan me pak vaj dhe pastaj vendosim copat e mishit. Pastaj shtohet majdanozi. shtojme orizin me pak uje dhe e lejme per rreth 5 minuta, duke shtuar uje. Me pas vendosim kete qe pergatitem mbi gjethet e rrushit dhe i mbyllim. E lejme ne zjarr per rreth 15 minuta duke shtuar uje. Serviren te ngrohta.

nga **Aristogata** prej Sat 24 Oct 2009 - 15:42

-Sanduicet perdoren ne raste pritjesh,kur nuk kerkohet preokupim i vecante per gatim.Ato pergatiten me cfaredolloj mishi te pjekur,me proshute, me sallam,me sardele,me djathe e garnitura te tjera.Forma dhe madhesia e tyre zgjidhen sipas deshires.

Pergatitja e sanuiçeve

1.Kryesisht perdoret buke e bardhe e prere ne feta te holla 1/2 cm te trsha
2.Fetat ndahen dy nga dy dhe lyhen me gjalpe.
3.Pergatitet mbushja e cila mund te jete:
-feta te holla dhe djathe kackavall
-feta rostoje dhe djathe
-sallam dhe djathe
-sardele te shtypura
-domate pa fara e leng
-peshk ton i konservuar
-mish pule i grire ose feta
-veze dhe majdanos
-feta patateje
-speca te pjekur te lyer me vaj
4.Bashkohen fetat e bukes me njera tjetren ngjishen pak dhe priten ne forma te ndryshme si katrore trekendesha rripa etj...mjaft qe ato te kapen me lehtesi me dy gishta dhe te hahen pa veshtiresi.
5.Ruhen ne vend te fresket ,ne menyre qe te mos shkrije gjalpi dhe mbulohen me nje picete te lagur me pak uje qe te mos thahen.

nga **Aristogata** prej Sat 5 Dec 2009 - 16:52

Sufle me çokollatë

Materialet:

* 250 gr. çokollatë (e fortë, pa qumësht)
* 250 gr. gjalpë
* 4 vezë
* 4 të kuq vezësh
* 120 gr. sheqer
* 40 gr. miell

Përgatitja

1.
Në fillim shkrijmë çokollatën duke përdorur vaskën me ujë të ngrohtë.
Për këtë në kushtet e shtëpisë mund të përdorni dy enë me madhësi të
ndryshme: njëra duhet të jetë më e madhe, aq sa mund të zërë enën
tjetrën brenda. Enën e parë e mbushni me ujë (jo plotësisht) dhe e vini
në zjarr. Brenda saj vendosni enën e dytë, e cila ka madhësi më të
vogël, ku keni hedhur masën e çokollatës. Në këtë mënyrë çokollata
shkrin nga ngrohtësia e ujit dhe jo e zjarrit. Sapo të fillojë të
shkrijë, në çokollatë shtojmë gjalpin dhe e përziejmë për disa minuta
derisa të marrë formë të njëtrajtshme.

2. Ndërkaq në një mikse
rrahim vezët, të kuqet dhe sheqerin derisa masa të shkumëzohet, të
zbardhet dhe të mpikset. Shtojmë në të masën prej çokollate dhe hedhin
pak nga pak sasinë e miellit.

3. Lyejmë me gjalpë dhe miell
fundin e 8-10 formave ose taseve dhe i mbushim me masën e mësipërme, jo
plotësisht por gati një gisht më poshtë buzëve. Më pas i pjekim ato në
furrë në temperaturë 230 gradë celsius për rreth 8 minuta. I lëmë të
ftohen për 2 minuta; i heqim nga forma dhe me kujdes i shërbejmë
menjëherë.

nga **Aristogata** prej Sat 5 Dec 2009 - 16:53

Kallamar i tiganisur me salcë jeshile dhe hudher

Materialet për 4 persona

* 1 filxhan arra të shtypura
* 2 feta të holla buke pa kore të prera në pjesë të vogla
* 3/4 e filxhanit verë e bardhë
* 3-4 thelpinj hudhre
* 1/2 tufë majdanoz
* 3-4 lugë gjelle vaj ulliri
* kripë dhe piper
* 1/2 kg kalamar i pastruar dhe i prerë në rrathë
* 1/2 filxhan miell
* vaj për skuqje

Përgatitja

Vëmë
të gjitha materialet së bashku në një tas dhe i shtypim me dorë deri sa
të bëhen një masë mbulojeni dhe rruajeni në frigorifer.Lyeni me miell
rrathët e prera të kallamarit nga të gjitha anët dhe vërini të
tiganisen në një tigan të madh, në të cilin kini hedhur më parë vajin
të digjet.Kujdes që të tiganisen mirë mos hidhni shumë copa bashkë
sepse bije temperatura , dhe në vend që të bëhen kërce ngjiten me
njëra tjetrën.Hiqini nga tigani dhe shtrojini në një letër
pirëse.Vendosen në një pjatë dhe zbukurohen me majdanoz, gjithashtu
vëmë salcën në një pjatë të veçantë me qëllim që të marrë secili aq sa
dëshiron.

nga **Aristogata** prej Sat 5 Dec 2009 - 17:00

Torte me lajthi

Nevojiten (për 6 veta):

* 150 gr gjalpë në copa
* 150 g sheqer
* 4 vezë
* 100 g miell
* 1 qese tharm pluhur
* 100 g lajthi të pjekura
* 200 g çokollatë për gatim
* pak kripë

Për mbushje: 100 ml ajkë

Për shtresën e sipërme:

* 150 gr çokollatë për gatim
* disa pika esencë vanilje
* 60 ml ajkë e lëngshme

Përgatitja:

Me
anë të miksit punojeni gjalpin me sheqerin derisa të bëhet si shkumë.
Shtoni të verdhat e vezëve, një nga një, miellin e situr (duke e hedhur
si shi) dhe në fund tharmin.

Ngjizni lajthitë dhe çokollatën e
grirë bashkë; rriheni si borë të bardhën e vezëve me pak kripë dhe
shtojani përzierjes, duke u kujdesur që të mos ulet. Hidheni brumin në
tavën e bërë me gjalpë dhe miell dhe piqeni në furrën tashmë të nxehtë
për afro 50 minuta.

Ndërsa ëmbëlsira është në furrë, rrihni
ajkën. Për të bërë shtresën e sipërme të tortës, shkrini çokollatën në
banjomaria (enë mbi enë me ujë) dhe punojeni me një shpatull duke i
shtuar ca pika esencë vanilje dhe ajkë të lëngshme.

Kur
ëmbëlsira të jetë pjekur, vëreni të ftohet në rrjetën për ëmbëlsira,
pastaj ndajeni në dy disqe. Mbusheni me ajkë të fryrë dhe mbulojeni me
shtresën e kremit të përgatitur duke e zbukuruar me lajthi të copëzuara.

nga **Aristogata** prej Sat 5 Dec 2009 - 17:01

Picë me brumë shtëpie

Materialet për 8 persona
Për brumin
● 1/2 kg. miell
● 30 gr. tharmë birre
● 1 vezë
● 2 lugë gjelle vaj ulliri
● 1 lugë gjelle qumësht
● 1 lugë ëmbëlsire sheqer
● 1/2 lugë ëmbëlsire kripë.
Për mbushjen
● 350 gr. djathë kaçkavall (i butë që shkrin lehtë), i grirë trashë
● ½ filxhan çaji salcë domateje
● 1 spec jeshil i prerë në forma rrethore
● 8-10 sallam i prerë në forma rrethore
● ullinj të prerë në forma rrethore

Përgatitja
Stadi i parë
Në
një enë të madhe përzieni miellin, sheqerin dhe kripën. Në gropëzën që
do të hapni në mes, në qendër të masës, hidhni qumësh¬tin, vezën, 1
lugë gjelle vaj ulliri si dhe tharmin e birrës, të shkrirë me parë në
ujë të vakët.

Stadi i dytë
Përzieni me kujdes materialet që
hodhët në gropëzën në mes të miellit derisa të krijohet një masë brumi
e fortë dhe më pas e lini për 15 minuta që të "shlodhet", duke e
mbuluar me pecetë.

Stadi i tretë
Pasi të kenë kaluar 15
minuta e punoni përsëri masën e brumit dhe krijoni me të dy petë. Në
vazhdim i shtroni ato në dy tepsi, të lyeja me pjesën e mbetur të vajit
të ullirit.

Stadi i katërt
Në çdonjërën nga petët shtroni
salcë domateje, djathërat kaçkavall dhe sallamin. I zbukuroni me
rrathët prej speci dhe ullinjtë. I vini të piqen në temperaturë 200
gradë celsius për 35-40 minuta.

nga **Aristogata** prej Sat 5 Dec 2009 - 17:02

Krep me akullore

Përbërësit për 4 palpetë:

* 3 dcl ujë
* 1 vezë
* 3 lugë vaj
* afro 7 lugë miell
* 1 lugëz çaji sheqer vanilje

Tunden përbërësit dhe në tigan tefloni piqen krepat.

Mbushja:

* 150-200 gr dredhëza
* lëng reçeli-dredhëzash
* 1 qeskë ajkë pluhur (shllak)
* akullore
* 1 cope çokollatë
* 1 lugë vaj

Pergatitja:

Me
kaush kuzhine, në formë shiriti, 1/4 e palpates kufizohet me ajkë të
tundur sipas udhëzimit në qeskë. Brendia e kufizuar mbushet me dredhëza
të prera në 4 pjesë. Mbi dredhëza hidhet pak lëng reçeli dhe një topth
akullore. Palpeta paloset. Mbi vendoset edhe një topth akullore dhe e
tëra zbukurohet me çokollatë të përzier me vaj dhe të shkrirë mbi avull

nga **Aristogata** prej Sun 20 Dec 2009 - 0:36

Supe me miell dhe mish pule

4 krahë pule
2 lugë gjellë miell
1 L ujë
2 lugë gjellë gjalpë
2 thelpinj hudhre
kripë
pipër
majdanoz
1 kokërr limon

Përgatitja

Krahët e pulës skuqen mirë në një tenxhere të thellë me 1 lugë gjellë gjalpë, në nxehtësi mesatare, derisa mishi brenda të mos jetë më i kuq dhe përjashta të këtë zënë një kore me ngjyrë të verdhë në të kuqërremtë. Para se mishi të hiqet nga zjarri spërkatët me kripë.

Pasi hiqet mishi nga zjarri, ne yndyrën e tij shtohet mielli, hudhrat e shtypura dhe pjesa e ngelur e gjalpit, dhe kaurdisen derisa mielli dhe hudhrat të marrin ngjyrë të verdhë.

Shtohet uji dhe përzihet me miellin e kaurdisur. Zakonisht gjate kësaj procedure formohen shumë kokrra mielli të cilat në fund duhet të jenë tretur plotësisht. Për ta përshpejtuar këtë proces, mund të përdoret një mikser.

Pasi mielli të jetë tretur në mënyrë të njëtrajtshme lihet në zjarr mesatar për rreth 10-15 minuta të tjera. Gjatë kësaj kohe supa merr shijen e mishit dhe të hudhrës dhe trashet paksa. Nëse supa trashet shumë shtojini pak ujë.

Në fund, supës i shtohen kripë dhe piper i zi, shpërndahet e nxehtë nëpër pjata supe, zbukurohet me majdanoz, sipas dëshirës, i shtohet gjalpë i skuqur dhe limon, si edhe copat e mishit.

Këshilla praktike:

1. Majdanozi, limoni, gjalpi i skuqur shtohen sipas dëshirës. Edhe pa to supa është shume e shijshme.
2. Në vend të krahëve të pulës mund të përdoren edhe kofshët, kërcinjtë, apo gjoksi i prerë në copa të vogla.
3. Është e rëndësishme që pula të skuqet me zjarr jo shumë të nxehte sepse në këtë mënyrë nxehtësia depërton mishin shumë mirë dhe ul rrezikun e të sëmurit nga salmonela.
4. Është e këshillueshme të përdoret gjalpi i gatimit, por në mungesë të tij mund të përdoret edhe gjalpit i bukës.

nga **Aristogata** prej Sun 20 Dec 2009 - 0:37

Troftë në furrë

Përbërja:

- Troftë (pesha 120g deri në 250g)
- feta të holla limoni
- feta domate
- mardanos
- hudhra
- vaj ulliri
- letër alumini
- patate
- krip dhe piper

Përgatitja:

Prisni në feta të holla domatet, limonin dhe hudhrat. Mbasi keni larë peshkun, në brendësinë e barkut mbusheni me 2 deri në 3 feta domate, në një fetë limoni disa feta hudhrash sipas dëshirës suaj, dhe disa fletë mardanosi. Hidhni pak vaj ulliri dhe mbështilleni peshkun me letër alumini duke e mbyllur mirë në mënyrë që mos t’i hyjë oksigjeno.
Vendoseni atë në pllakë ose tepsi dhe futeni në furrë për 25-30 minuta me 175 gradë Celsius.
Deri sa të bëhet peshku, lani patatet duke eliminuar balten dhe pastroni ato. Ziheni ato deri sa te rezultojnë të ziera mirë. Eliminoni lëkuren dhe i ndani në katër pjesë patatet nëse janë të mëdha.
Mbasi është bërë peshku vendosni atë në pjate dhe hiqni letrën prej alumini. Vendoseni pranë patatet.

Shujta preferohet që të hahet me verë të bardhë...

nga **Aristogata** prej Sun 20 Dec 2009 - 0:37

Roladë mozaik

Përbërësit për patishpan:

* 6 vezë,
* 6 lugë sheqer,
* 6 lugë miell,
* 1 qeskë sheqer vanileje.

Filli:

* 300 gr biskota të bluara (�plazma�),
* 1 portokall,
* 250 gr zhele bonbone të grimcuara,
* 200 gr rrush të thatë të ulur në rum ose ujë,
* 300 gr arra të grimcuara,
* 150 gr çokollatë të grimcuar,
* 200 gr gjalpë të zbutur,
* 4 vezë të freskëta,
* 150 gr sheqer pluhur.

Përgatitja:

Gatuhet patishpani, derdhet në tepsi katrore shporeti të shtruar me letër të yndyrshme dhe piqet në furrë me temp.200 gradë C. Përmbyset në pecetë të lagur. Largohet letra dhe mbulohet me të.
Tundet gjalpi me sheqer pluhur. Shtohen të verdhat e vezëve një nga një duke i tundur së bashku në masë të njëllojtë. Shtohen lëngu i portokallit dhe lëvorja e kaluar në rende. Duke e përzier masën gradualisht, hidhen biskotat, arrat, rrushi, çokollata dhe zhele bonbonet. Veçan tunden të bardhat e vezëve në shkumë të dendur dhe përzihen me lugë me masën e përgaditur. Filli vendoset në mes të patishpanit në formë të sallamës. Me kujdes mbështillet duke i bashkuar skajet e patishpanit. Shkrihen 100 gr çokollatë dhe përzihen mire me 4 lugë qumësht, 4 lugë vaj dhe glazura derdhet mbi sipërfaqen e roladës duke lyer edhe anash. Mbi hidhen arra të bluara. Rolada ftohet mirë, pastaj pritet në rrathë. Shërbehet me shampanjë, liker ose kafe.

nga **Aristogata** prej Sun 20 Dec 2009 - 0:38

Imam bajalldi

Vera mesdhetare nuk shfaqet tek asnjë gatim tjetër kaq mbretërore sa tek imam bajalldi. Është mbi të gjitha në shijen e domateve, ku vera mesdhetare shfaqet e padiskutueshme. Një domate e pjekur në Zvicër, edhe pse njëlloj e kuqe, nuk arrin kurrë të fiksojë të njëjtën sasi dielli në shijen e saj, nuk arrin kurrë të këtë shijen e një domateje mesdhetare. Një patlixhanë serash, nuk arrin kurrë të këtë konsistence të njëjtë mishtore me sispecien e vet mesdhetare, nuk arrin dot t'i shmanget athtësisë së artificiales. Një verë mesdhetare pa imam bajalldi nuk është verë?

Nevojitën për katër persona

Dy-tre kokrra të mëdha qepësh
4-5 thelpinj hudhre
3-4 domate të pjekura mirë
4 patlixhana të mëdhenj të zi

Për ata që janë jo vegjetarian:

500g mish të prerë në kubikë të vegjël
Vaj ulliri
Kripë
Pipër i zi
Majdanoz

Përgatitja

Ndajini patlixhanët e zinë gjysmë dhe, me një lugë të vogël, hiquani tulin. Këtë te fundit, priteni ne copa te vogla dhe lëreni mënjanë për më vonë. Sipas dëshirës, mund t'u jepni patlixhanave një të skuqur të lehtë.

Në një tenxhere të madhe hidhni me bollek vaj ulliri, dhe kur ky të jetë nxehur, hidhni për t'u kaurdisur qepet e grira holle dhe hudhrat. Kur qepa të këtë marrë një ngjyrë të lehtë të artë, shtoni copat e mishit. Kaurdisini mire deri sa uji që lëshon mishi të jetë avulluar. Ata që e duan vegjetarian, lë të kalojnë direkt tek hapi tjetër.

Shtoni domatet e prera holle dhe majdanozin e grirë. Domatet, përpara se t'i grini, hidhini në ujë të nxehtë për disa minuta derisa t'u hapet cipa. Hiqeni cipen e domates me thikë dhe tulin priteni në copa të vogla. Është mirë ta shmangni cipën e domates sepse është pak e sikletshme gjatë ngrënies dhe aspak estetike në gjellë.

Shtoni, se fundmi, edhe tulin e patlixhaneve që hoqët mënjanë në fillim. Lëreni të zihen të gjitha se bashku për 10 minuta. Shtoni kripën dhe piperin e zi. Hiqeni nga zjarri, lëreni të ftohet pak dhe filloni dhe mbushni patlixhanat. Tepricën shpërndajeni midis patlixhanave dhe sipër tyre.

Futeni në furrë, në 220°C dhe piqeni deri sa te marri një kore të lehtë të kuqe sipër.

nga **Aristogata** prej Sun 20 Dec 2009 - 0:39

Mëlçi të shuara me vërë

Kjo lloj recete është shumë e shpejtë. Si e tillë, e përshtatshme për ata që nuk kanë kohe, por duan të hanë mirë; por edhe për ata që i ka marre uria e duan ta shuajnë shpejt e shpejt.

Ju duhen:

Mëlçi vici (300g për dy persona)
Qepë
Gjalpë
Verë e bardhë
Majdanoz
Kripë
Pipër i zi

Përgatitja

Në një tigan, shkrini gjalpin dhe hidhni qepët e grira imët. Skuqini qepët derisa të marrin një ngjyrë të bukur të artë.

Shtoni mëlçitë dhe skuqini shpejt.

Hidhni verën e bardhë (2dl) dhe përzieni mirë.

Kur vera të jetë avulluar, shtoni kripën dhe piperin e zi. Përzijeni mirë, lërëni dhe nja 10 sekonda në zjarr dhe hiqeni nga zjarri. Shtoni majdanozin sipër dhe shpërndajeni nëpër pjata. Sekreti i kësaj recete është që mëlçitë nuk duhen lënë gjatë në zjarr sepse forcohen e mezi kafshohen. Ju bëftë mirë!

nga **Aristogata** prej Sun 20 Dec 2009 - 0:39

Tavë me mish qengji dhe perime

Tavë me mish qengji dhe perime

Përbërësit:

* 1 1/2 kg mish qengji nga brinjët,
* 2 kg domate,
* 1/2 kg speca,
* 1/2 kg bamje,
* vaj ulliri ose gjalpë, kripë, vegetë, piper, fletë dafine, 1 tubë majdanoz.

Përgatitja:

Kyçet furra në 250º Celsius. Në tavë dheu ose tepsi të përshtatshme, vendoset mishi i prerë në copa. Bamjet fërgohen në vaj gjersa të zbuten pak. Specat pastrohen nga farat dhe priten në copa. Domatet priten në copa të vogla. Hidhen kripë, piper dhe të gjitha pasi përzihen mirë, hidhen mbi masën e mishit. Ulet temperatura në 200 ºC dhe ena futet në furrë të nxehtë për 30 minuta, pastaj largohet nga furra për t’i hedhur yndyrën. Në furrë me temperaturë 180 ºC vazhdon pjekja e ngadalshme, gjersa të shtirret lëngu por jo i tëri dhe të jetë zbutur mishi.
Shërbehet me bukë të vogla mbrume ose pogaçe.

nga **Aristogata** prej Sun 20 Dec 2009 - 0:39

Sallatë me ton e brokoli

Sallatë me ton e brokoli
Fikrie Gagica- Ukelli
Autore e librit “1000 receta për çdo familje”

Përbërësit:

• Sallatë e gjelbër,
• ton-konservë,
• kokrra misri të ziera,
• kaçkavall i prerë në katrorë të vegjël,
• lulelakër e gjelbër (brokoli),
• domate,
• kripë, uthull molle, vaj ulliri.

Përgatitja:

Brokoli vlohet 5 minuta. Toni grimcohet. Mbi fletë sallate të vendosura në pjatë, radhiten domatet e prera në rrathë. Toni, misri dhe kaçkavalli përzihen dhe derdhen në mes të pjatës. Aty këtu vendosen edhe lulet e brokolit. Me përzierje vaji, uthulle dhe kripë, spërkatet sallata disa minuta para servimit.

nga **Aristogata** prej Sun 20 Dec 2009 - 0:39

Picat

PERGATITJA E BRUMIT TE PICES

Perberesit:

maja birre 1,5 g
uje i vaket 1,3 - 1,5 ml
miell tip 0 - 350 g
kripe 1 luge plot

Pergatitja:

Pergatitja e majase

therrmojeni majane duke e hedhur ne nje tas, pastaj shtojini pak sheqer dhe pak uje te vaket. Treteni mire. Lereni te pushoje per 10 - 15 min. Ne siperfaqe do krijohet nje shkume e lehte. Para se ta perdorni per brume perziejeni serish.

Pergatitja e brumit baze:

Vereni miellin ne nje pjate, sperkateni me kripe, beni nje zgaver ne qender dhe hidhni ne te majane e pergatitur. ujin e mbetur dhe perberesit e t jere. Me nje luge druri, duke u nisur nga qendra e perziejme masen e miellit, derisa te perftojme nje mase qe e ka thithur gati te gjithe ujin.
pastaj e veme brumin ne siperfaqen e punes te cilen e kemi sperkatur me pare me pak miell. e punojme duke e perplasur ne siperfaqen e pune pasi fiton elasticitet. Brumi di te jete gati kur te jete kompakt, i bute dhe elastik. karakteristike jane flluskat e ajrit poshte siperfaqes dhe kur e shtypim me gisht te ngrihet serish. Pasi e keni punuar e vendosni brumin ne nje pjate te paster dhe e mbuloni me nape te lagur qe te vije. Per te pare nese ka ardhur brumi futni gishtin ne brume, dhe nese ngel gjurma brumi eshte gati.

Hapja e pices

Pasi te vije brumi e hapni me duar dhe e vendosni ne siperfaqen e punes te lyer me pare me vaj. Vazhdojme ta hapim duke e rrotulluar duke lene anet 2 cm te trasha qe te mbaje garnityren gjate pjekjes. Nqs keni veshtiresi ta hapni me dore mund te perdorni dhe petes dhe ti ngrini anet qe ti beni te trasha per mbushjen te mos dale nga pica, d.m.th ne forme tepsie. Trashesia e pices varet nga deshira.

PICA NAPOLETANE

Perberesit

tul domatesh i kulluar 250 g
mozzarele ne feta 200 g
6 fileta acuge ne vaj, ne copa
kaparine 1 luge
vaj ulliri 3 luge
rigon 1 luge plot

Pergatitja

Formojme picen si me lart. Shperndajme domatet, mocarelen, acuget dhe kaparinen. Sperkateni me 1 luge vaj. Piqeni ne furre ne temp. 250 grade per 8 - 15 min.
Nxirreni picen hidhni rigonin dhe futeni prape qe te perfundoje pjekja. Hidhni vajin e mbetur dhe sherbejeni te ngrohte.

nga **Aristogata** prej Sun 20 Dec 2009 - 0:40

Sallate me mishe pule
Perberja: per 6 persona
- gjioks pule 50gr
- arra 50gr
- val ulliri
- sallate 100gr
- kripe dhe piper
- karrota
- kastravec

Përgatitja: Zini gjoksin e pules me uie aromantizuar me zarzavate.
Lani sallaten, stoni karrotat te prere te vogla, kastravez.
Mbasi eshte zier gjoksi i pules e prismi ate ne copa te medha dhe e sistemoni mbi sallaten, nderko grini ne nje mix arrat, shtoni leng limoni, vaj, krip dhe piper. Mbasi e keni grire mire hidheni ate mbi sallaten dhe e sherbeni.

Buke te thekur me domate (bruschette al pomodoro)

Perberja per 4 persona

- vaj ulliri 30 gr
- domate n° 3-4
- Mardanos 10gr
- Rigon
- Udhra n°1
- Buke te thekur te holla n°16

Përgatitja: Pritni feta te holla buke.
Prismi domatet kube te vogla, grini nje thelb udhre, 10g mardanos.
Bashkoni domatet me udhrat dhe mardanosin, shtoni pak rigon, krip dhe piper, perziheni mire dhe liheni ate ne frigorifer per nje ore.
Merrni buket e thekura dhe vini mbi te nje luge me domate qe keni pregatitur.

nga **Aristogata** prej Sun 20 Dec 2009 - 0:41

Pulë me kërpudha

Nevojiten:

* 4 copë mish të bardhë të pulës (ose kofshë) pa lëkurë e eshtra
* 250 gr kërpudha të grira
* 1 filxhan qumësht
* 1 filxhan kafeje verë të bardhë
* 1 filxhan galetë
* 1 të bardhë lë vesë
* lëngun e gjysmë limoni
* gjysmë luge kopër të thatë
* kripë, piper.

Shtypeni mishin e bardhë me çekiç të bërxollave, por në vend të mishit të bardhë mund të përdorni edhe kofshët dhe kaçikët (duke ua hequr ashtin).

Zini kërpudhat në verë të bardhë, lëng limoni dhe kopër, derisa të mos avullohet gati e tërë vera.

Preni përmes çdo pjesë të mishit të bardhë, mbusheni me kërpudha e pastaj mbështilleni mirë duke i vënë një rrëmojcë.

Uleni çdo copë në qumësht ku keni qitur të bardhtë e tundur të vesë, lyeni me galetë dhe renditni në tepsi.

Futni në furrë të nxehur të cilës ia ngadalësoni temperaturën në 190 gradë celsius dhe piqeni rreth 35 minuta, derisa mishi të mos bëhet i butë dhe i kuqërremtë.

nga **Aristogata** prej Sun 20 Dec 2009 - 0:41

Lazania me perime

Lazania me perime

Për 4-6 persona:

* 1 patëllxhan
* 2 kunguj
* 2 presh
* 1 spec jeshil
* 1 spec i kuq
* 300 gram mashurka të pastruar dhe të prera në formë shkopinjsh
* 2 lugë gjelle majdanoz të prerë hollë
* 2 lugë gjelle margarinë 1 lugë gjelle gjalpë
* 8 petë byreku (lazania*)

Për kremin

* 3 lugë gjelle margarinë
* 3 lugë gjelle miell
* 1/2 kg. qumësht i nxehtë
* 2 vezë të rrahura
* 250 gr. djathë i grirë (kaçkavall apo parmezania)
* kripë dhe piper

Përgatitja:

1. Vendosni perimet në një tenxhere ku më parë keni hedhur margarinën dhe gjalpin. I lini deri sa të zbuten. Hidhini nga pak kripë dhe piper, majdanoz dhe 2-3 lugë gjelle djathë dhe hiqeni tenxheren nga zjarri.

2. Për kremin beshamel, shkrini në një tenxhere margarinën, shtoni sasinë e miellit të nevojshëm dhe vazhdoni ta përzieni deri sa të shkrijë i gjithi. Hidhni pak nga pak qumështin e nxehtë, duke e përzier vazhdimisht, në mënyrë që të mos bëhet topa-topa. E lini për pak minuta në zjarr dhe ndërsa e hiqni e lini për pak momente që të .ftohet. Më pas hidhni në të vezët, kripën, piperin dhe djathin e grirë, përveç 2 lugëve. E përzieni masën me kujdes.

3. Vini fletët në një formë të lyer më parë me gjalpë dhe hapni në to gati gjysmën e masës me perime. I mbuloni përsëri me fletë,duke vendosur edhe gjysmën tjetër të mbushjes me perime dhe në fund i mbuloni me fletët e mbetura. Hidhni përsipër kremin beshamel, duke i spërkatur me 2 lugët e gjellës me djathë të grirë.

I lini të piqen në temperaturën 200 gradë celsius për rreth 40 minuta. I servirni menjëherë pas pjekjes.

*Lazania- petë byreku të prera hollë

nga **Aristogata** prej Sun 20 Dec 2009 - 0:43

pule gordon blu

Pule gordon blu

Koha e përgatitjes 1 orë e 30 minuta

Përbërësit

4 gjokse pulash
1 kupë me djathë kaçkavall të grirë
1/2 kupë proshutë të grirë
kripë
piper
4 lugë mustardë
2 vezë
2 lugë vaj
1/2 kupë miell
1/2 lugë kripë
Vaj

Përgatitja

Marrim gjokset e pulës dhe i rrahim lehtë, derisa të bëhen të buta. Në një enë përziejmë djathin kaçkavall me proshutën.

Lyejmë gjokset e pulave me pak kripë dhe me piper të zi, i mbushim me mustarde dhe me përzierjen e djathit dhe proshutës. I mbyllim dhe bëjmë role.

I kapim me shkopinj anët, që të mos dalë mbushja dhe pastaj i vendosim në frigorifer.

Në një enë tjetër rrahim vezët me vajin. Përziejmë miellin me kripën, i lyejmë gjokset e pulës që sapo i kemi nxjerrë nga frigoriferi, i zhysnim në përzierjen e vajit dhe vezëve dhe i fusim përsëri në frigorifer.

Ndërkohë, gradojmë furrën në 190 gradë. Marrim një tigan të thellë, skuqim copat e pulës derisa të piqen nga të gjitha anët.

Heqim shkopinjtë dhe i vendosim në tepsi për t'i pjekur për 15-20 minuta. Serviret e ngrohtë