Ekstradohet nga Franca ish-diktatori panamez Noriega

FRANCE - Ish-diktatori panamez Manuel Noriega nisi udhëtimin e kthimit në shtëpi mëngjesin e sotëm pas miratimit të ekstradimit nga Franca.

Noriega, tashmë 77-vjeçar, u rrëzua gjatë pushtimit të Panamasë nga trupat amerikane në vitin 1989, duke i kaluar më pas dy dekadat e fundit pas hekurave, fillimisht në Florida e më pas në Francë pasi u shpall fajtor për trafik droge dhe pastrim parash gjatë kohës kur ishte në pushtet.

Ai do të ndalet në Madrid para se të vijojë drejt Panamasë, ku do të mbërrijë rreth orës 17:30, sipas orës lokale. Pas mbërritjes në vend ish-diktatori ushtarak i viteve 1980 do të dërgohet në një burg në xhungël ku do të vuajë dënimin me 20 vjet burgim për vrasjen e kundërshtarëve të regjimit.

Por Noriega mund të qëndrojë në arrest shtëpie për shkak të moshës dhe gjendjes shëndetësore, megjithatë ky vendim i mbetet qeverisë panameze.

(er.nu/news24/BalkanWeb)

ne bankat e ketij futen dollaret PABLO ESKOBAR dhe te tjeret