Bulqizë, humb jetën minatori, u bllokua 1000 m nën tokë

BULQIZE - Tjetër tragjedi në minierën e Bulqizës. Policia konfirmoi vdekjen e minatorit Bajram Dalipi, i cili u bllokua mesditën e sotme në zonën D të një miniere private.

Burime nga vendngjarja bëjnë të ditur se minatori Bajram Dalipi po punonte rreth 1000 metra në thellësi të një miniere private, e cila nuk administrohet nga kompania koncesionare ACR.

Minatori mbeti i bllokuar pasi shembjes së një pjese të galerisë dhe nuk mundi të mbijetonte pavarësisht ndërhyrjes së shpejtë të policisë për ta nxjerrë nga miniera.
Forca të shumta policore vijojnë punën për nxjerrjen e trupit të pajetë nga miniera.

Ndërkohë prokuroria ka lëshuar urdhërarreste për drejtuesit e galerisë, e cila është e licencuar.

(er.nu/BalkanWeb)