Repartit të Neonatologjisë i dorëzohen dy pajisje mjeksore

PRISHTINË, Kosovë – Repartit të Neonatologjisë, në QKUK i është bërë sot dorëzimi i dy pajisjeve mjeksore ‘Instant Flow SiPAP system’ – si dhe materalit shpenzues përcjellës, në vlerë prej 22,963$. Donacion ky i siguruar nga Fondacioni për Nënat dhe Foshnjet e Shëndosha me përkrahje në fonde nga organizata me renome botërore ‘Abbot Pharmaceutical Foundation’ Pajisja mjeksore ‘Instant Flow SiPAP system’ ofron mbështetje respiratore të një niveli më të lartë tek foshnjet premature dhe është e para e këtij lloji në këtë Departament. Përveq materialit shpenzues, Fondacioni ka siguruar edhe trajnim të stafit të repartit të përkujdesit intensiv, nga personi i autorizuar i kompanisë prodhuese të këtyre pajisjeve – CareFusion. Herbert Murlasits nga Carefusion, do të qëndroj në Kosovë deri të Enjten për të sigururar trajnim të plotë të stafit të klinikës së Neonatologjisë, në përdorim të pajisjeve. Fondacioni për Nënat dhe Foshnje të Shëndosha angazhohet në përkrahjen e institucioneve Kosovare për kujdesin shëndetësor të nënave dhe fëmijëve, me barna dhe pajisje mjekësore me rëndësi kyqe në mbijetesën e foshnjave, posaqërisht të atyre të lindura para kohe./rtvfan.net/ Burimi i lajmit: /rtvfan.net/

Qenkan treguar me te vertete human qe kan bere nje gjest te tille.