Mbledh paratë e drogës e bën valixhet për tu kthyer, kapet shqiptari

Rimini, 4 shkurt 2012, NOA- Një djalë 31 vjeçar nga Shqipëria kishte mbledhur fillimisht paratë e fituara nga shitja e drogës dhe pas kësaj kishte bërë valixhen gati për tu kthyer në Shqipëri, me shpresën se do mbetej me kaq.

Por policia e prangosi para se të arrinte të dilte nga Italia, duke e arrestuar nën akuzat për grabitje dhe trafikim droge.

Mësohet se hetuesit kishin zbuluar gjatë mbledhjes së materialeve rreth tij se shqiptari pasi kishte bërë shitje të ndryshme kokaine tek të rinjtë në Romë, ishte gati të largohej nga territori italian.

Pasi trokitën në portën e tij, efektivët e policisë e gjetën të riun me një valixhe të mbushur plotë me sende personale dhe u përballën me nervozizmin e tij i cili u tha se nuk kishte kohë për kontrolle rutinë sepse ishte për rrugë, por nuk i eci.

Më pas u arrit identifikimi i pesë blerësve të kokainës të cilët bënë edhe identifikimin e shqiptarit që u shiste drogë, duke provuar kështu fajësinë e 31 vjeçarit i cili zhvillonte këtë aktivitet për më shumë se 1 vit e gjysëm.

Mësohet se shqiptari ishte denoncuar në verë të vitit 2011, nga një 33 vjeçar i cili pretendonte se kishte marrë kërcënime serioze nga tregtari i drogës pasi italiani ishte borxhli për dozat e drogës, e për rrjedhojë nga Shqipëria ku ishte nisur stacioni për të u ndal në burgun e Riminit.

a.y/NOA